'90足球资讯
今天是:
网站导航
90推介
波盘解析
波经特约
名报分析
足球彩票
联赛动态
足球视频
当前位置:90足球比分 >> 名报分析 >> 太阳报 >> 浏览文章  
阿仙奴打雀度蜜月
日期:2019年12月01日 访问次数:

大使龙格保上任人人卖命
阿仙奴终于变天,成为继屈福特、热刺后,今季第三支易帅嘅英超球队,看守领队龙格保接手后首个任务,就係今晚作客扑击「金丝雀」诺域治。前领队艾美利最失败之处,係未能团结更衣室内气氛,如今搵来形象讨好嘅「亲善大使」龙格保,相信短期内可提升番众枪手嘅士气,「兵工厂」搵番个火药库,今晚可尽情打雀,阿仙奴让半一乐比捧上盘。

(Now 611及621周日晚10时直播)

外国传媒对于艾美利嘅评价,可谓好坏参半,风格上阿仙奴偶尔可踢出华丽悦目嘅足球,可惜并唔能够持久,防守亦无太大改善,就成绩而言,佢基本上仲差过云格被炒前嘅时期,起码最近7仗不胜,对一支BIG 6球队嚟讲可以话完全不能接受,亦係自1992年以来最差嘅表现,所以落镬都可以话咎由自取。

不过众所周知艾美利被炒嘅原因,係球员开始无视佢嘅存在,无可否认现今球坛球员嘅影响力愈嚟愈大,如果领队失去更衣室内嘅绝对权威,基本上已等同失去饭碗,虽然艾美利近日已力挽狂澜,不断改变阵式同试用唔同嘅球员,可惜效果都唔理想,依家改由人缘甚佳嘅龙格保执教,相信可短期内止跌回升,就好似上季苏斯克查执教曼联初期咁,进入大约为期两个月嘅蜜月期。

事实上,龙格保执教经验欠奉,佢退役后初期担任阿仙奴球会大使,利用人脉关係帮球会推广,喺呢段期间令佢广结人缘,之后执教过阿仙奴U15及U23,另外亦有短暂时间做过禾夫斯堡助教,教波就未必一定叻,但肯定係个好好先生,喺目前士气低沉嘅阿仙奴,可以有效团结番队波嘅士气先,毕竟阿仙奴人才济济,只要班大帝肯帮你卖命,一声令下自然个个都「自动波」埋位,今场要赢下游嘅诺域治根本完全唔使担心。

诺域治防线漏洞多
诺域治经过季初一轮虚火后,最近表现已开始滑落,主场连输3场之余,后防失咗10球之多,事实上佢哋进攻套路已被睇通,射手迪姆普基英超头5仗攻入6球后,近8仗都冇入过波,最大问题係防线太多漏洞,中路守将试过多个组合,但无论係伊巴谦阿马度、基斯杜夫森马文、堤迪定宾葛菲特都明显未够班,相信难挡兵工厂嘅火力。

 
上一篇:马体会迎巴塞影响力大
下一篇:艾美利乱点鸳鸯抵炒
版权所有:90足球资讯 90Ball.Cn
合作QQ:2903618589
鄂ICP备200916456号
 
严正声明:本站提供的所有内容只供体育爱好者浏览或参加足彩竞猜参考,任何人不得用于非法用途,否则责任自负.本站所有体育资讯链接均采集自互联网,并不保证所有信息真实可靠以及无错讹和谬误,用户使用时应自行甄别.